[i553]

DE LA VILLE DE PARIS.

155

CCLV. — Lettres de Monseigneur le Gouverneur de Paris.

26 avril 1553. (B fol. i38 v°.) O

ct Mess" les Prevost et Eschevins, j'ay reçu au jourd'huy la lettre que m'avez escripte d'hier'²'; et pour ce que, par le commancement d'icelle, vous monstrez remettre en doubte et difficulté ce que je vous dis dernierement de l'intention du Roy touchant les ouvrages de vostre fortification, me requerant la vous mettre par escript, je vous faictz entendre encores par la presente que led. Seigneur veult que l'on besongné depuis l'Arsenal jusques à la Bastille aux six pontz qui n'estoient ja faictz ou commencez entre lad. espace que j'estois à Paris. Et vous, Mons^rle Prevost, pouvez avoir souvenance que, quant vous fustes au Conseil Privé ces jours passez pour adviser de cest affaire, il vous fut dict que l'on besongnast aux ouvrages à troys atteliers, chascun deulx pontz, et que le payement en fut aussy en troys diverses sortes, c'est ascavoir : l'un à mereaulx, l'autre à journée, et l'autre à tasché, pour par ce moyen esprouver par laquelle forme seroit plus à propos et par laquelle vous aurez meilleur compte desd, ouvrages et la suivre cy après.

"Vela doncques par escript ce qu'il me semble vous debvoir dire de l'intention dud. Seigneur touchant cest affaire, vous advisant en oultre qu'il luy

est plaisir d'entendre quelque foys de ceulx qui ont veu voz ouvriers, qu'il y en ayt bien fort nombre et qu'ilz soient employez en plusieurs endroictz.

" Quant à moy, je parlire d'icy dedans deux jours pour aller visiter les aultres villes de mon gouvernement et ordonner tout ce que je verray estre necessaire ; du quel voyage je prendre mon retour par vostre ville et y adviseray, ayant Baptiste ingenieur avec moy, ce qu'il sera bon de ordonner à la poursuitte et addressé de vosd. ouvrages. Mais si aucuns vont vers vous s'ingerans de vous dire aucune chose de ma part, ne vous y arrestez point s'ilz n'avoient lettres de moy.

"Sur ce, Mess" les Prevost des Marchans et Eschevins, je priray le Createur qu'il vous ayt en sa saincte garde.

"De Sainct Germain en Laye, le xxvi" Avril mil v^c cinquante troys.

"N'employez aucun s'offrant à vous de ma part pour besongner à voz ouvrages, s'ilz ne vous monstrent mon seing.

"Vostre bon amy,

De Coulligny. "

CCLVI. — Lettres de Monseigneur l'Admiral.

3 mai i553. (B fol. 14o r°.) W

"Mess" les Prevost des Marchans et Eschevins, depuis vous avoir escript hier du Pont Sainct Maxence'⁴', je me suis advisé qu'il est temps de faire et commencer pour la fortiffication de vostre ville; et à ceste cause vous mande que le jour préfixé à en faire les baux et marchez sera le premier mardy d'après ceste prochaine feste de Penthecouste, par quoy entre cy et là c'est à vous à faire voz diligences, à envoyer publier par toutes les villes circonvoisines et mesmes jusques à Rouen et autres bonnes et fréquentées de manouvriers, que dedans led. jour ceulx qui vouldront entreprendre telle

besongné, aille se presenter; ce que, pendant aussi ce voyage que je faict, je fere signifier es villes d'Amiens et Abbeville, affin que assemblant tant plus grant nombre de gens pour mettre en besongné, vous en puissiez avoir meilleur compte. Et desjà en aye (sic) parlé à quelques maistres maçons pour entendre leur dire.

"Sur ce, je prye le Createur, Mess" les Prevost et Eschevins, qu'il vous ayt en sa saincte garde.

"De Compiegne, le 111^e jour de May'⁵' 1553.

COULLIGNY."

O Entre cet article et le précédent, le Registre B a intercalé les documents numérotés ci-dessus CCL et CCLI. (2) Les lettres du Bureau ici visées ne figurent pas dans les Registres. C Cet article et le suivant sont intervertis dans le Registre.

⁽⁴> Ces lettres n'ont point été transcrites dans nos Registres. — Pont-Saint-Maxence est aujourd'hui un chef-lieu de canton du département de l'Oise.

⁽⁵⁾ Au Registre : Mms, qui est exponctué sans avoir été corrigé.